[頭戴式] 輕鬆享受 – Oppo PM-2

小小发烧友

交易区新帖推荐

首先要多謝Post76既各位,可以比小弟參加到今次既活動,以及因為上個星期去左公幹所以遲左咁多先交文為主辦方帶嚟各種麻煩唔好意思
好喇講返今次要寫既機先
小弟對於平板振膜耳機一直都係又愛又恨, 聲音表現上係頗為特別既,但一直有個非常之頭痛既問題 - 佩戴感
之前試過既平板振膜耳機一般嚟講都因為單元設計上既需要而多數都有兩塊好大塊既強磁....而咁就有個問題喇,就係好重! 有D就為左分擔重量而設計到比較夾頭,長時間聽都係唔係好舒服
而今次既Oppo PM-2一拎上手既第一個感覺就係好輕! 雖然PM-2既金屬感頗強, 但重量都唔算好重, 甚至係試過既平板振膜耳機上最輕既一隻添!

講聲之前一齊嚟睇睇PM-2既包裝係點既先啦!

今次借到既PM-2並無跟到外盒,而只有牛仔布袋一個

打開入面就可以見到主體以及隨機附有的線材

線材就有標準既3m OFC w/6.3mm插頭,包了布的一條, 以及方便便攜使用的1m OFC w/3.5mm插頭

主體為金屬框架, 配合人造皮的headband及ear pads, 質感不錯
採用半開放式設計,在單元後面是一塊開滿孔的金屬板

兩邊可以前後旋轉至打平

ear pads是用了易裝易拆的設計,方便隨時更換; 而拆走ear pads後就可以清楚見到PM-2的單元

兩邊入線位使用標準的2.5mm mono插頭,方便隨時更換及升級線材

Headband內部清楚標示了型號以及序號

用上的人工皮ear pads,透氣度不錯,長戴也不會覺得焗

咁最關心聲音表現係點呢?
測試中主要分開了家用以及Portable系統, 家用就用上了 CDT/電腦 -> Luxman DA-100 -> Audio-Technica AT-HA22Tube / HA-01, 而Portable就用了SonyNW-ZX1以及Galaxy Nexus (小聲: 好想換電話)
PM-2既聲音表現頗為自然,整體三頻不會有特別突出的頻段,中頻微暖而帶一點鬆軟的感覺; 而使用了半開放式設計以及平面振膜單元設計的優勢令音場感覺也比較寬闊, 不會容易有焗促的感覺
性格來說PM-2是頗為全能的, 基本上並無一種音樂會處理唔到. 雖說層次感以及細緻度上可能未及很多的高階機種,但活潑爽快的性格令聆聽者容易感受到音樂的快感, 比起那些高階機種更容易讓人接受及享受
比較驚喜的是PM-2的低頻表現實在不錯, 甚至在睇戲既情況之下亦處理得有聲有色, 動態是很不錯的
然而, 在用上膽機的時候雖然人聲的演繹會更為吸引, 但有時會覺得比較鬆軟而失去了一些爽朗的性格,所以在配搭上可能也要注意一下, 不過在一般來說的solid state amp也感覺不錯,更甚就是會覺得PM-2真的很容易發揮得不錯, 很容易驅動! 就算是直插DA-100的Phone out其實也會有不錯的表現
至於Portable方面? 用上電話其實感覺也已經很不錯, 如果用到ZX1就感覺到PM-2真的在Portable source上也已經能夠發揮得很好, 聲音細緻耐聽, 實在不錯! .......只不過因為係半開放式, 要出街用始終比較有難度, 實用性比較低

如果對平板振膜耳機有興趣既朋友,不妨都去試下PM-2, 除左聲音不錯之餘驅動又容易, 配件齊備, 可換線升級又容易, 更重要既就係佩戴舒適, 戴幾個鐘都無問題呢!
多謝收看!

文章来源：http://www.post76.com/x2/forum.php?mod=viewthread&tid=202189